Эдийн засаг - Завхан аймаг http://zavkhan.nutag.mn/ ru Эдийн засаг - Завхан аймаг DataLife Engine Ө.Шижир: Ашиглалтад ороогүй барилгын төсөвт өртөг 10 жилийн хугацаанд 5.1 тэрбумаас 26 тэрбум болтлоо өсжээ http://zavkhan.nutag.mn/index.php?newsid=2279 http://zavkhan.nutag.mn/index.php?newsid=2279
УИХ-ын гишүүн Ө.Шижир 2026 оны Улсын төсвийн талаарх дараах байр суурийг цахим хуудсаараа дамжуулан илэрхийллээ
Тэрээр “2026 оны улсын төсвийг өчигдөр хүлээж аваад өнөөдөр сууж байна. Ганцхан 2026 оны гэлтгүй сүүлийн 10 жилийн улсын төсвийн урсгал зардлын тэлэлт, хөрөнгө оруулалтын оновчгүй байдлаас үүдэж төсвийн зардал жил бүр хэдэн их наядаар нэмэгдсээр байна.
Тухайлбал сүүлийн 10 жилийн хугацаанд улсын төсвөөс зөвхөн соёлын ордон, музей, театр, нэг цэгийн үйлчилгээ, ЗДТГ-н байр орон сууц, татвар, нийгмийн даатгалын барилга гээд 939 барилгын төсөлд нийтдээ 1.6 их наяд төгрөг зарцуулсан байна. Энэ бүхэн нь эргээд улсын төсвийн урсгал зардлыг нэмэгдүүлж төсвийн хөрөнгө оруулалтыг багасгаж олсон орлогынхоо ихэнхийг зардал болгож нийгмийн суурь салбарын хөгжилд хүрэлцэхгүй явсаар өдийг хүрлээ. Үүнд эмнэлэг, сургууль, цэцэрлэг, дотуур байр, цагдаа, онцгой байдал гээд эдгээр байгууллагуудын хөрөнгө оруулалт багтаагүй болно.
Ганцхан жишээ хэлэхэд 2012 онд анхны төсөвт өртөг нь 5.1тэрбумаар батлагдаж өнөөдрийг хүртэл ашиглалтад ороогүй байж төсөвт өртөг нь 26 тэрбум болсон жишээ ч байна.
Гарын салаагаар хяналтгүй урсаж буй улсын зардал 2016 онд 9.4 их наяд байсан бол 2025 онд 35.8 их наяд, 2026 онд 32.9 их наяд боллоо. Төрийн зардал нэмэгдэхийн хэрээр түмний амьдрал сайжирсангүй.
Иймээс төсвийн зарцуулалт, хөрөнгө оруулалтын бодлого дээр бодит дүгнэлт хийх шаардлага нэн чухал байна. Та бүхэн УИХ-ын цахим хуудсаар орж төсөвтэй танилцаарай.
Энэ доорхи жишээ ганцхан жишээ. Энэ мэт сүүлийн 10 жилээр хийсэн дүгнэлтээ танилцуулна. Бидний мөнгө бидний мөнгө биш тэдний мөнгө байсанг харуулна. Зураг дээрхи ганцхан жишээ дээр дурдсан,анх 5.1 тэрбумаар батлагдаад 14н жилийн дараа 26 тэрбум болсон түүх… МАН засаг бариад 10 жил боллоо. Төсөв дагасан авилгал яаж явдаг тухай
Жишээ No 1
Энэ бүхэн чиний, миний, таны, та бүхний татварын мөнгө болохоос хэн нэг улстөрчийн мөнгө биш шүү дээ” гэжээ.
]]> zulaa Thu, 04 Sep 2025 14:14:26 +0800 Ам.долларын түүхэн уналт: 2008 оноос хойш харагдаагүй муу үзүүлэлт http://zavkhan.nutag.mn/index.php?newsid=2169 http://zavkhan.nutag.mn/index.php?newsid=2169
АНУ-ын Ерөнхийлөгч Доналд Трампын эдийн засаг болон гадаад бодлого нь тогтворгүй, урьдчилж таамаглах боломжгүй байгаа нь ам.долларт нөлөөлж байна. Өнгөрсөн арваннэгдүгээр сард болсон АНУ-ын сонгуульд Трамп ялалт байгуулсны дараа ам.долларын ханш, АНУ-ын хөрөнгийн зах зээл өсөлт үзүүлсэн. Хөрөнгө оруулагчид Трамп эдийн засгийн өсөлтийг тогтвортой барина гэж таамагласан тул ам.доллар болон хөрөнгийн зах зээл нь өсөлт үзүүлж байсан юм.
Гэвч ажлаа хүлээн авснаас хойш Трамп тогтворгүй алхмууд хийсэн нь АНУ-ын хөрөнгийн зах зээлийг уналтад оруулж, ам.долларын ханшийг буурахад хүргэв. Тухайлбал АНУ-ын хөрөнгийн зах зээлээс дөрвөн их наяд ам.доллар арчигдаад байгаа юм. Харин ам.долларын индекс энэ он гарснаас хойш 4.6 хувиар унав. Энэ нь 2008 оны Дэлхийн санхүүгийн хямралаас хойш харагдаагүй муу үзүүлэлт юм. 2008 онд ам.долларын индекс үүнтэй ижил хугацаанд 4.8 хувиар буурсан.
Ам.доллар индекс бол долларыг гадаад валютуудтай харьцуулсан үнийн хэмжүүр юм. Долларын ханш тэдгээр валютуудын эсрэг чангарах үед индекс өсөж, буурах үед багасдаг. Ам.долларын индекс нь долларын ханшийг европ, иен, фунт стерлинг, канад доллар, швед крон, швейцар франктай харьцуулдаг юм.
Долларын ханш сулралтын ихэнх нь сүүлийн хэдэн долоо хоногт явагдсан. Трамп энэ хугацаанд Канад, Мексикийн эсрэг татвар тавихаар төлөвлөж байснаасаа хэд хэдэн удаа буцсан. Онолын хувьд канад доллар, мексик песо ам.доллартой харьцах ханш буурах ёстой ч нэмэгдэж буй.
Канад доллар ам.доллароор арилжих ханш сүүлийн долоо хоногт 0.95 хувиар нэмэгдсэн байна.
Мексик песо ам.доллароор арилжих ханш сүүлийн долоо хоногт 1.91 хувиар нэмэгджээ.
Цагаан ордон эдийн засаг, улс төрийн чиг баримжаагаа өөрчилснөөс хамгийн их хожсон нь евро байв. Өнгөрсөн сарын хугацаанд ервогийн ханш ам.долларын эсрэг 4.02 хувиар чангарчээ. АНУ Европын холбоотой харилцаагаа хөндийрүүлж буйн улмаас Европын удирдагчид батлан хамгаалахын салбартаа төсөвлөдөг мөнгийг нэмж, эдийн засгийн өсөлтөө эрчимжүүлэх бодлого танилцуулсан. Еврогийн ханш чангаралтад энэ нь нөлөөлжээ.
Евро ам.доллароор арилжих ханш сүүлийн сард 4.02 хувиар нэмэгджээ.
“Capital Economics” фирмийн Жонас Голтерманн “Өнгөрсөн жил АНУ сайн өсөлт үзүүлсэн бол Европ саарч байсан. Харин одоо Европт шинэ өөдрөг үзэл дэлгэрлээ. Нөхцөл байдал ёроолдоо тулсан тул одоо үүнээс цааш эдийн засгийн салбарт сайн өөрчлөлт гарна гэх найдлага үүссэн” хэмээсэн байна.
АНУ ам.долларын ханшийг хүчтэй байлгах хүсэлтэй гэдгээ мэдэгдсэн ч ам.долларын ханш буурсаар. Тус улсын Сангийн сайд Скотт Бессент энэ сарын долоонд “CNBC” агентлагтай ярилцахдаа “Энэ захиргаа болон Ерөнхийлөгч Трамп ам.долларыг хүчирхэгжүүлэх бодлогыг тууштай баримталж байгаа” гэсэн юм.
Яагаад ам.долларын ханш унаж байна вэ?
АНУ гаалийн татвар нэмэгдэхэд доллар сулрах нь хачирхалтай санагдаж магадгүй. Онолын хувьд гаалийн татвар нь бусад валютын эрэлтийг бууруулж, тэдгээрийн ханшийг унагах ёстой. Гэвч долларын ханшийг зөвхөн худалдааны тэнцэл бус, олон хүчин зүйл тодорхойлдог. Тэдгээрийн дотроос хамгийн чухал нь АНУ-ын бодлогын хүүгийн түвшин болон бусад орнуудын хүүгийн зөрүү юм.
Өөрөөр хэлбэл, хэрэв АНУ-ын бодлогын хүүгийн түвшин бусад ижил төстэй эдийн засгуудтай харьцуулахад өндөр байвал долларын ханш бусад валютын эсрэг өсөх хандлагатай байдаг. Учир нь өндөр хүү нь АНУ-ын бондыг илүү ашигтай харагдуулж, хөрөнгө оруулагчдыг татдаг. АНУ-ын бонд доллароор илэрхийлэгддэг тул бондын эрэлт өсөхөд долларын эрэлт дагаад өснө.
“U.S. Bank Asset Management” фирмийн хөрөнгө оруулалтын стратегийн ахлах захирал Роб Хаворт “Доллар чангарах үед гадаадын мөнгө АНУ руу илүү их орж ирж байна гэсэн үг” хэмээсэн юм.
2024 оны сүүлийн улиралд доллар болон АНУ-ын засгийн газрын бондын өгөөж тогтмол өссөн. Үүний шалтгаан нь инфляцын бууралт удааширч, хөдөлмөрийн зах зээл хүлээгдэж байснаас илүү тогтвортой байгаагаас үүдэн хөрөнгө оруулагчид ирээдүйд бодлогыг хүү буурна гэх хүлээлтээ багасгасантай холбоотой. Харин дэлхийн бусад эдийн засаг, ялангуяа Европт, эсрэг хандлага ажиглагдаж эхэлсэн. Европын Төв банк хүүгээ үргэлжлүүлэн бууруулах төлөвтэй байсан нь еврогийн ханшид дарамт болж байв.
Сүүлийн хэдэн долоо хоногт Вашингтоны гаргасан шийдвэрүүд, тухайлбал гаалийн татвар, холбооны засгийн газрын төсөв, төрийн албаны ажлын байрыг их хэмжээгээр танах оролдлогууд геополитикийн тогтворгүй байдал үүсгэж АНУ-ын эдийн засгийн хүчийг сулруулж эхэллээ. Зарим эдийн засагчид эдгээр гаалийн татвар нь удаан өсөлт, өндөр инфляц бүхий стагфляц бий болгох эрсдэлтэй гэж анхааруулж байна.
“Peterson Institute for International Economics”-ийн Жозеф Гагнон “Их тодорхойгүй байдал үүссэн. Гаалийн татварууд маш их хор нөлөөтэй тул хүмүүс зардлаа танаж эхэллээ. Ялангуяа бизнесүүд томоохон хөрөнгө оруулалтын төлөвлөгөөг хойшлуулж байна. Энэ нь эдийн засгийн хямралын эрсдэлийг нэмэгдүүлж, зах зээлийг айлгаж буй. Мөн Холбооны нөөцийн сан бодлогын хүү бууруулахыг урилах нь нэмэгдэнэ” гэжээ.
АНУ-д эдийн засгийн уналтын эрсдэл нэмэгдэж байгаа тул хөрөнгө оруулагчид бодлогын хүүг бууруулна гэж дахин хүлээж эхэллээ. Хоёрдугаар сарын дунд үе хүртэл ихэнх хөрөнгө оруулагчид Холбооны нөөцийн сан энэ онд дээд тал нь нэг удаа хүү бууруулна гэж тооцоолж байсан бол одоо тэд оны эцэс гэхэд гурван удаа бууруулна гэж үзэж буй.
Эх сурвалж: Investopedia, Marketplace
]]> zulaa Wed, 19 Mar 2025 11:02:29 +0800 Суурь хүнсний багцын үнэ нэг жилийн хугацаанд 11 хувиар өсчээ http://zavkhan.nutag.mn/index.php?newsid=2050 http://zavkhan.nutag.mn/index.php?newsid=2050
Суурь хүнсний багцын үнэ нэг жилийн хугацаанд 11 хувиар өссөн талаар МЭК ХХК танилцууллаа. 2024 оны нэгдүгээр сарын 2-ны өдөр болон 2025 оны нэгдүгээр сарын 2-ны үнийг харьцуулж гаргажээ.
 Жилийн хугацаанд хамгийн их үнэ нь өссөн бүтээгдэхүүнд жүүс, наранцэцгийн тос, хиам багтаж байна.
Үнэ нь нэмэгдээгүй бүтээгдэхүүн өндөг байгаа бол үнэ нь буурсан бүтээгдэхүүн төмс байна. 2024 оны нэгдүгээр сарын 2-нд 500 гр төмс 1245 байсан бол 2025 оны нэгдүгээр сарын 2-ны байдлаар 1047 болж үнэ нь буурчээ.
]]> zulaa Sat, 04 Jan 2025 15:28:30 +0800 ЭКСПОРТ СҮҮЛИЙН 10 ЖИЛД: Төмөр замгүйгээс болоод гаргаж чадаагүй 232 сая тонн нүүрсээ ЭКСПОРТОЛСОН бол өдийд нийтдээ 600 гаруй сая тонн нүүрс зарах байжээ http://zavkhan.nutag.mn/index.php?newsid=2002 http://zavkhan.nutag.mn/index.php?newsid=2002
Ганцмод-Гашуунсухайт хил дамнасан төмөр зам бараг одоогоос 10 гаруй жилийн өмнө ашиглалтад орох байсан ч Монголын тал өргөн царигтай төмөр зам барьсан. Мөн олон нийтийн дунд зарим хэсэг нь "Танк орж ирэх гэж байна", "Төмөр замаар Хятадууд вагоноор орж ирнэ" гэх хийрхсэн улстөржилтийн улмаас сүүлийн 10 гаруй жилийн хугацаанд гацаанд орсон. Үүний улмаас бид ямар хэмжээний боломжийг алдсан бэ гэдэг нь асуудал дагуулаад буй.
Аж үйлдвэр, эрдэс баялгийн сайд Ц.Туваан хэлэхдээ "Төмөр зам есөн жилийн өмнө ашиглалтад орсон бол манай улс 232 сая тонн нүүрс тээвэрлэж, 18.5 тэрбум ам.долларыг нэмж олох боломжтой байсан гэх тооцооллыг манай яамнаас гаргасан. Харин Хятадын талаар 2.3 орчим тэрбум ам.долларын алдагдал, зардал хүлээсэн.
Хил холболтын төмөр зам холбогдсоноор манай улс нийтдээ 120 сая тонн нүүрсийг экспортлох боломж бүрдэнэ" гэх мэдээллийг өгсөн.
Тэгвэл бид 2015-2024 оны хооронд буюу сүүлийн 10 жилд Монгол Улс хэчнээн хэмжээний нүүрсийг экспортод гаргасан талаарх мэдээллийг Гаалийн Ерөнхий газрын эх сурвалжтайгаар хүргэж байна. Тодруулбал,
-2015 онд 14.4 сая тонн байсан нүүрсний экспорт 2023 онд 69.6 саян тоннд хүрчээ-
2015 онд 14.4 сая тонн, 2016 онд 25.6 сая, 2017 онд 33.0 сая, 2018 онд 35.8 сая, 2019 онд 36.5 сая, 2020 онд 28.6 сая, 2021 онд 15.7 сая, 2022 онд 31.7 сая, 2023 онд 69.6 сая, 2024 оны 12-р сарын 1-ний байдлаар 74.2 сая тонн нүүрсийг экспортолсон байна.
Өөрөөр хэлбэл, нийт 365.1 сая тонн экспортолсон гэсэн үг. Хэрвээ сайд Ц.Туваан хэлсэн 232 сая тонн нүүрсийг экспортолж чадсан бол нийт 597.1 сая тонн нүүрс экспортлох боломж байжээ.
]]> zulaa Fri, 06 Dec 2024 13:29:50 +0800 ТӨСӨВ-2025: Дорноговь, Өмнөговь, Сэлэнгэ, Дархан-Уул, Орхон аймаг улсын төсөвт орлого оруулж, бусад нь 527.8 тэрбум төгрөгийн ТАТААС авна http://zavkhan.nutag.mn/index.php?newsid=1880 http://zavkhan.nutag.mn/index.php?newsid=1880
УИХ-ын ээлжит бус чуулган хаалтаа хийсний дараахан Засгийн газар 2025 оны төсвийн төслийг хэлэлцэж, УИХ-д өргөн барьсан билээ. Улмаар өнөөдөр нээлтээ хийх энэ удаагийн намрын чуулганаар төсвийн төслийг хэлэлцэнэ.
Тэгвэл ҮАГ-аас 2025 оны төсвийн төсөлд дүн шинжилгээ хийж, дүгнэлтээ гаргажээ. Иймд бид аудитын дүгнэлтээс онцлохыг нь та бүхэнд хүргэж буй юм.
Орон нутгийн төсвийн ерөнхийлөн захирагчдын төсвийн суурь орлого, зарлагын саналыг Сангийн яам хянаж, Монгол Улсын 2025 оны нэгдсэн төсвийн төсөлд дараах байдлаар тусгасан байна. Үүнд:
•Орон нутгийн 2025 оны суурь орлогыг өмнөх оноос 1,101.6 тэрбум төгрөгөөр нэмэгдүүлж 6,366,1 тэрбум төгрөгөөр, суурь зарлагыг 964.5 тэрбум төгрөгөөр нэмэгдүүлж 4,830.6 тэрбум төгрөгөөр тус тус төсөвлөсөн байна.
•Орон нутгийн төсвөөс улсын төсөв төвлөрүүлэх дүнг 2024 оноос 307.8 тэрбум төгрөгөөр нэмэгдүүлж 1,903,1 тэрбум төгрөгөөр тооцжээ. Төсөв бүрдүүлэх аймгуудад Дорноговь, Өмнөговь, Сэлэнгэ, Дархан-Уул, Орхон аймаг багтаж байна.
Улсын төсөвт орлого төвлөрүүлэхээр төлөвлөсөн дээрх аймгуудаас бусад аймгуудад 527.8 тэрбум төгрөгийн санхүүгийн дэмжлэг улсын төсвөөс олгохоор төлөвлөжээ.
АУДИТЫН ДҮГНЭЛТ: НЗДТГ Шинэ жилийн баярын цэнгүүн, ОУ-ын "Хүүхдийн эрхийг хамгаалах өдөр"-ийг тэмдэглэн өнгөрүүлэх арга хэмжээнд 1.4 тэрбум төгрөг төсөвлөсөн
Монгол Улсын 2025 оны орон нутгийн суурь зардалд төлөвлөгдсөн доорх зардлыг Төсвийн тухай хуулийн 8 дугаар зүйлийн 8.5.1-д заасны дагуу дараагийн аудитаар хянах шаардлагатай байна. Үүнд:
•Нийслэлийн Засаг даргын Тамгын газар бусад байгууллагын чиг үүрэгтэй давхцуулж төлөвлөсөн 1.4 тэрбум, нягтлан бодох бүртгэлийн бодлогын баримт бичиг боловсруулах, мэдээ дата боловсруулах систем, мөнгөн хөрөнгийн оновчтой удирдлага хэрэгжүүлэх зөвлөх үйлчилгээ зэрэг санхүү бүртгэлтэй холбоотой зах зээлийн үнээс өндөр 1.1 тэрбум, бүтээлч хот төсөл, төрийн чиг үүргийг төрийн бус байгууллагаар гүйцэтгүүлэх 1.9 тэрбум төгрөг нийт 4.4 тэрбум төгрөг төлөвлөсөн;
•Нийслэлийн Засаг даргын Тамгын газар 2025 онд шинээр ашиглалтад орох 38 сургууль, цэцэрлэгийн урсгал зардалд 6.2 тэрбум төгрөгийг төлөвлөсөн ч 2025 онд ашиглалтад орох эсэх нь нотлох баримтаар дэмжигдээгүй;
•Нийслэлийн Засаг даргын Тамгын газар Шинэ жилийн баярын цэнгүүн зохион байгуулах арга хэмжээ, олон улсын "Хүүхдийн эрхийг хамгаалах өдөр"-ийг тэмдэглэн өнгөрүүлэх арга хэмжээнд 1.4 тэрбум төгрөг төсөвлөсөн байна.
]]> zulaa Tue, 01 Oct 2024 19:23:19 +0800 ХААН Банк Азийн Хөгжлийн Банкнаас хос шагнал хүртлээ http://zavkhan.nutag.mn/index.php?newsid=1863 http://zavkhan.nutag.mn/index.php?newsid=1863 Азийн Хөгжлийн Банк (АХБ)-ны Олон улсын “Худалдаа, нийлүүлэлтийн сүлжээний санхүүжилтийг дэмжих хөтөлбөр”-өөс ХААН Банкийг 2024 оны “Монгол Улс дахь шилдэг хамтрагч банк”, “Хүйсийн тэгш байдлаар манлайлагч банк”-аар тус тус тодруулж, ХААН Банкны Байгууллагын банк хариуцсан дэд захирал Т.Ууганбаяр, Хүний нөөц хариуцсан дэд захирал Ш.Ганбямба нар шагналын цомыг гардан авсан юм.
ХААН Банк нь 2013 оноос тус хөтөлбөрт идэвхтэй оролцож, дэлхийн нэр хүнд бүхий 200 гаруй банктай худалдааны санхүүжилтийн чиглэлээр хамтран ажиллаж, харилцагчдынхаа худалдааны бизнесийг дэмжих, хэрэгцээ шаардлагад нийцэхүйц худалдааны санхүүжилтийн бүтээгдэхүүн үйлчилгээг цаг тухайд нь чанартай хүргэх боломжийг бүрдүүлээд буй юм.
Түүнчлэн харилцагчдадаа санал болгодог худалдааны санхүүжилтийн бүтээгдэхүүн үйлчилгээний хүрээнд гадаад худалдаа эрхлэгч аж ахуйн нэгжүүд ачилтын өмнөх болон дараах зээлийн бүтээгдэхүүнүүдээс гадна баримтат аккредитив, баталгаа, батлан даалтын аккредитивийн бүтээгдэхүүнүүдийг ашиглан гадаад худалдааны эрсдэлийг удирдах, санхүүжилтийн зардлыг бууруулах боломж олгодог. Энэ ч үүднээс “Монгол дахь шилдэг хамтрагч банк”-аар ХААН Банкийг долоо дахь жилдээ шалгаруулан өргөмжлөөд байна. 
зурагХарин Азийн хөгжлийн банк “Gender Champion” буюу “Хүйсийн тэгш байдлаар манлайлагч” байгууллагаар биднийг хоёр дахь удаагаа тодруулсан юм. Тогтвортой хөгжлийн зорилгын нэг болох жендэрийн тэгш байдлыг хангах хүрээнд ХААН Банкны дотооддоо мөрдөн ажилладаг бодлого, олон нийтэд чиглэсэн төсөл хөтөлбөр, ирээдүйд хэрэгжүүлэх төслүүд нь ажлын байран дахь хүйсийн тэгш оролцоо, манлайллыг бүхий л түвшинд дэмжиж, жигд хангаж ажилласныг онцлон энэхүү шагналыг олгосон байна. ХААН Банк дээд болон дунд шатны удирдлагын түвшинд эмэгтэйчүүдийн оролцоо, манлайллыг салбарын хэмжээнд жишиг болохуйцаар дэмждэгээс гадна нийгмийн хариуцлагын хүрээнд хэрэгжүүлж буй төсөл, хөтөлбөрүүдийн чамгүй хувь нь эмэгтэйчүүдийг чадавхжуулах, нийгэм дэх тэдний оролцоог нэмэгдүүлэх, ажил мэргэжлийн болон хувийн карьерт өсөн дэвжих боломж олгоход чиглэдэг билээ.
Эдгээр шагнал нь бидний үйл ажиллагаа, бүтээгдэхүүн үйлчилгээг олон улсын түвшинд хүрснийг үнэлж буйн илрэл төдийгүй ХААН Банкны худалдааны санхүүжилтийн бүтээгдэхүүн, үйлчилгээг сонгон үйлчлүүлдэг эрхэм харилцагчид, олон талын дэмжлэг үзүүлж ирсэн олон улсын банк, санхүүгийн байгууллагууд, АХБ-ны хамт олонд болон ХААН Банкны нийт ажилтнуудын маань хамтын хичээл зүтгэл, ололт амжилт юм. Амжилтыг хамтдаа бүтээлцсэн та бүхэндээ талархал илэрхийлье.
ХААН Банкны худалдааны санхүүжилтийн бүтээгдэхүүн, үйлчилгээний талаар дэлгэрэнгүй мэдээллийг ЭНД дарж авна уу.
Хамтын өсөлт төгөлдөр - ХААН Банк
]]> khulan Thu, 12 Sep 2024 19:37:53 +0800 Хадгаламждаа мөнгө нэмээд NURA-гийн эрх аваарай http://zavkhan.nutag.mn/index.php?newsid=1862 http://zavkhan.nutag.mn/index.php?newsid=1862 Хадгаламж хэзээ ч багадахгүй. Гагцхүү түүнийг дадал зуршил болгосноор та өөрийн хүсэж зорьсондоо хүрч чадна. Ирээдүйнхээ төлөө хуримтлал үүсгэж буй харилцагчдадаа зориулан ХААН Банк 2024 оны 8-р сарын 12-ны өдрөөс 12-р сарын 31-ний өдрийг дуустал хугацаанд хуримтлуулах дадлыг тань дэмжсэн ээлжит урамшуулалт аянаа зарлалаа.
Энэхүү урамшуулалт аянд 2024 оны  8-р сарын 12-ны өдрөөс 12-р сарын 31-ний өдрийг дуустал хугацаанд, эсвэл 2024 оны 8-р сарын 12-ны өдрөөс өмнө интернет банкаараа дамжуулан нээсэн 6 болон түүнээс дээш сарын хугацаатай төгрөгийн хадгаламжийн дансандаа орлого нэмсэн харилцагчид хамрагдах боломжтой юм.
Таны хуримтлалдаа нэмсэн орлогын 100,000 төгрөг тутамд эсвэл хадгаламжийн дансандаа нэмсэн орлого 100,000 төгрөг хүрэх тутамд нэг тохирлыг эрх үүсэх бөгөөд нэг харилцагч хэдэн ч тохирлын эрх цуглуулж болно. Хэрвээ та хадгаламжгүй бол яг одоо Khan Bank аппликэйшний Данс>Шинээр данс нээх цэсээр дамжуулан хормын дотор хадгаламжаа үүсгээрэй.
Ийнхүү гэрэлт ирээдүйгээ баталгаажуулж, санхүүгийн зөв дадал өөртөө суулгасан 5 харилцагчид NURA эрүүл мэндийн багц шинжилгээний эрх бэлэглэх юм.
Тохирлын хуваарь:
  • 1-р ээлжийн тохирол: 2024.08.12-2024.09.30-ны өдрийг дуустал хугацаанд аяны болзол хангасан харилцагчдаас 5 харилцагчийг  2024.10.10-ны өдөр ХААН Банкны албан ёсны фэйсбүүк хуудсаар шууд дамжуулан тодруулж NURA эрүүл мэндийн багц шинжилгээний эрхийн бичгээр урамшуулна.
  • 2-р ээлжийн тохирол: 2024.10.01-2024.10.31-ний өдрийг дуустал хугацаанд аяны болзол хангасан харилцагчдаас тохирлын эзнийг 2024.11.10-ны өдөр ХААН Банкны албан ёсны фэйсбүүк хуудсаар шууд дамжуулан тодруулна.
  • 3-р ээлжийн тохирол: 2024.11.01-2024.11.30-ны өдрийг дуустал хугацаанд аяны болзол хангасан харилцагчдаас тохирлын эзнийг  2024.12.10-ны өдөр ХААН Банкны албан ёсны фэйсбүүк хуудсаар шууд дамжуулан тодруулна.
  • 4-р ээлжийн тохирол: 2024.12.01-12.31-ний өдрийг дуустал хугацаанд аяны болзол хангасан харилцагчдаас тохирлын эзнийг  2025.01.10-ны өдөр ХААН Банкны албан ёсны фэйсбүүк хуудсаар шууд дамжуулан тодруулна.
Шууд дамжуулалтыг хөндлөнгийн аудит болон харилцагчдын төлөөллөөс бүрдсэн багийн хяналт дор явуулна.
Тохирлын эрх шалгах:
Харилцагч та ХААН Банканд бүртгэлтэй утасны дугаараас 131917 тусгай дугаарт tohirol, Tohirol, Tokhirol, tokhirol текстийг мессежээр илгээн тохирлын тоог шалгах боломжтой. Дэлгэрэнгүй тохирлын дугаарыг банканд бүртгэлтэй и-мэйл хаягтаа хүлээн авна.
Тохирлын эрх хасагдах нөхцөл:
  • Аяны хугацаанд орлого хийсэн боловч хугацаатай хадгаламжийн хугацаа дууссан бол;
  • Болзол хангасан хугацаатай хадгаламжийн дансыг гэрээт хугацаанаас өмнө цуцалсан бол;
  • Өмнөх ээлжийн тохирлуудад шалгарсан харилцагч дараагийн ээлжийн тохирлуудад дахин хамрагдах боломжгүй.
Харилцагч та ХААН Банкны онлайн хадгаламжийн бүтээгдэхүүн үйлчилгээний төрлүүдээс өөрийн хүсэл зорилгод нийцэх бүтээгдэхүүн үйлчилгээг сонгон хуримтлуулж хэвшээрэй. Дэлгэрэнгүй нөхцөл, мэдээлэлтэй энд дарж танилцана уу.
Хамтын өсөлт төгөлдөр - ХААН Банк
]]> khulan Thu, 12 Sep 2024 18:22:34 +0800 Идэшний махны үнэ нэмэгдэх хандлагатай байна http://zavkhan.nutag.mn/index.php?newsid=1856 http://zavkhan.nutag.mn/index.php?newsid=1856
Идэшний махны үнэ нэмэгдэх хандлагатай байгааг худалдаачид төдийгүй малчид ч ярих болжээ. Зах, худалдааны төвүүдээр өдгөө хонины мах кг нь 10 000-12 000, үхрийнх 14 000-15 000, адууных 10 мянга гаруй төгрөгийн үнэтэй байна. Эдгээр нь өмнөх жилийнхтэй ойролцоо дүн юм. Наймдугаар сарын сүүлчийн 10 хоногт хөдөөнөөс хот руу чиглэсэн хөдөлгөөн нэмэгддэг. Энэ үед мах борлуулахаар малчид нийслэлийг зорин ирж, ченжүүдийн хашаанд дугаарладаг. Ийм тохиолдолд худалдан авагчид махны үнийг огцом бууруулдаг аж. Гэвч энэ жил нийслэлийг чиглэсэн хөдөлгөөн тун бага байгаа гэнэ. Мөн зуны улиралд чмахны үнэ төдийлөн буураагүй аж. Махны үнэ буурч, нийлүүлэлт нэмэгдэхгүй байгааг өвөлжилт хүндэрсэнтэй холбон тайлбарлах хүнч байв. Үүнтэй холбоотойгоор ирэх өвлийн идшээ бэлдэх үед өндөр зарлага гаргах нь хэмээн таамаглаж байна.]]> zulaa Thu, 05 Sep 2024 20:32:38 +0800 “ЮнионПэйтэй ертөнцийг нээгээрэй” буцаан олголттой урамшуулалт аян эхэллээ http://zavkhan.nutag.mn/index.php?newsid=1855 http://zavkhan.nutag.mn/index.php?newsid=1855 ХААН Банк ЮнионПэй карт эзэмшигч харилцагчдадаа зориулан худалдан авалт бүрд буцаан олголт авах боломжтой “ЮнионПэйтэй ертөнцийг нээгээрэй” ээлжит урамшуулалт аянаа зарласныг дуулгахад таатай байна.
2024 оны 9-р сарын 1-нээс 12-р сарын 31-нийг дуустал үргэлжлэх энэхүү аяны хүрээнд ХААН Банкны ЮнионПэй (UnionPay) карт эзэмшигчид БНХАУ дахь ПОС төхөөрөмж болон Хятадын онлайн худалдааны вэбсайтуудаас худалдан авалт хийх бүрдээ үнийн дүнгийн 5%-ийг буцаан олголт хэлбэрээр авах боломжтой.
Аяны онцлох нөхцөлүүд:
  • Гүйлгээний дээд дүн: 5,600,000₮
  • Гүйлгээний доод дүн: 30,000₮
  • Буцаан олголтын дээд дүн: 280,000₮
  • Буцаан олголтын доод дүн: 1,500₮
Буцаан олголт нь сар бүрийн 10-ны өдөр ХААН Банкны гүйлгээ хийсэн картын данс руу автоматаар шилжин орно. Жишээ нь та 9-р сарын 1-нээс 9-р сарын 30-ны хооронд Хятадын онлайн худалдааны платформоос нийт 2,000,000 төгрөгийн худалдан авалт хийсэн бол 10-р сарын 10-нд таны данс руу 100,000 төгрөгийн буцаан олголт автоматаар орох юм. Урамшуулал зөвхөн хувь хүний ЮнионПэй картад хамаарах тул байгууллагын ЮнионПэй карт эзэмшигчид хамрагдахгүй.
Харилцагч та өөрийн ЮнионПэй картыг Интернэт банк болон Khan Bank аппликэйшнээр дамжуулан хялбархан удирдах боломжтой. Тухайлбал карт захиалах, сунгах, нөхөн авах, идэвхжүүлэх, төлөв өөрчлөх, хуулга харах, ПИН код солих, блок гаргах зэрэг үйлчилгээг авах боломжтой.
"ЮнионПэйтэй ертөнцийг нээгээрэй" урамшуулалт аян нь ХААН Банкны харилцагчдад олон улсын худалдан авалтыг илүү ойртуулж, санхүүгээ хэмнэх боломжийг санал болгож байна. ХААН Банктай хамт илүү олон боломжийг нээцгээе!
Хамтын өсөлт төгөлдөр – ХААН Банк
]]> khulan Thu, 05 Sep 2024 16:46:17 +0800 Бизнес эрхлэгчдэд зориулсан “Хөгжлийн хөтөлбөр-2024”-ийн элсэлт эхэллээ http://zavkhan.nutag.mn/index.php?newsid=1849 http://zavkhan.nutag.mn/index.php?newsid=1849 Жижиг дунд үйлдвэрлэл, үйлчилгээ эрхлэгч та бүхэн олон улсад шалгарсан менежментийн арга барил, амжилттай бизнес эрхлэгчдийн туршлагаас суралцан, хувь хүний ур чадвараа сайжруулж, эрхэлж буй бизнестээ мэдэгдэхүйц хөгжил дэвшлийг авчирмаар байна уу?
Тийм бол таныг ХААН Банкны Жижиг дунд бизнесийн академиас Швейцарын жижиг дунд үйлдвэрлэлийг дэмжигч BPN Монгол сантай хамтран 6 дахь жилдээ хэрэгжүүлж буй “Хөгжлийн хөтөлбөр” сургалтад хамрагдахыг урьж байна.
Хөтөлбөр 2024 оны 9-р сарын 10-ны өдрөөс хичээллэж эхлэх бөгөөд энэ оны хамгийн сүүлийн элсэлт тул бизнес эрхлэгч та бүхнийг 9-р сарын 3-ны өдрийн дотор амжиж бүртгүүлэхийг зөвлөж байна.
Уг сургалтанд хамрагдсанаар жижиг дунд бизнес эрхлэгчид байгууллагынхаа стратеги, алсын харааг зөв тодорхойлж, өөрийн бизнесийн загварыг бүрэн зургаар харах, бизнесийн гадаад, дотоод орчны нөлөөлөл, зах зээлийн өрсөлдөөний тактик, судалгааны арга зүй зэрэг маш чухал сэдвүүдийн хүрээнд үнэ цэнтэй сургалт, зөвлөгөөг ойлгомжтой, сонирхолтой, зөв системтэйгээр авахаас гадна хөнгөлөлттэй бизнесийн зээл, санхүүжилтээр хангагдах боломж бүрдэх юм.
Сургалтын түвшинг харгалзан оролцогчдод тавигдах шаардлага: 
  • ХААН Банкны харилцагч ААН-ийн захирал байх (Байгууллагын үүсгэн байгуулагч эсвэл Гүйцэтгэх захирал)
  • Нэмүү өртөг шингээсэн үйлдвэрлэл, үйлчилгээ эрхлэгч байх
  • Сүүлийн 2 жил бизнесийн үйл ажиллагаагаа тасралтгүй явуулсан байх
  • 5-аас дээш ажилтантай байх (үйл ажиллагааны цар хүрээнээс хамаарсан цөөн ажилтантай байх тохиолдолд ажилтны тоог харгалзахгүй)
  • Бизнесээ дараагийн шатанд гаргах хүсэл эрмэлзэлтэй байх
  • Хөтөлбөрт бүрэн хамрагдах, цаг гаргах боломжтой байх
Хугацаа: 2024.09.10-2024.10.08-ны хооронд нийт 5 долоо хоног үргэлжлэх ба 7 хоног бүрийн мягмар гарагт 09:00-17:00 цагийн хооронд хичээллэнэ.   
Байршил: СБД, Хүүхдийн 100, ХААН Банкны Сөүл оффис, 3 давхар, Жижиг дунд бизнесийн академи
Бүртгэл: 2024.09.03-ны өдрийн дотор доорх линкээр нэвтрэх эсвэл QR кодыг уншуулан бүртгүүлээрэй. 
Линк: https://survey.zohopublic.com/zs/JED3F3
Холбоо барих: smeacademy@khanbank.com
Ташрамд дурдахад, ХААН Банкны Жижиг дунд бизнесийн академи нь Монгол болон олон улсын мэргэшсэн зөвлөх үйлчилгээний байгууллагуудтай хамтран жижиг, дунд, бичил болон хувиараа бизнес эрхлэгчдэд зориулсан сургалт хөтөлбөрүүдийг тогтмол явуулдаг тул өөрийн бизнесийн цар хүрээ, зорилго зорилттой уялдуулан тохирох сургалтад сонгон хамрагдах бүрэн боломжтойг дуулгахад таатай байна. 
АМЖИЛТ ТӨГӨЛДӨР! 
#KhanBusiness  #АмжилтТөгөлдөр #SucceedTogether
]]> khulan Tue, 27 Aug 2024 13:46:54 +0800