Завхан аймгийн Тосонцэнгэл суманд чоно элбэг үзэгдэж, морьтой хүнийг хоёр гурваараа дагах, мал барих нь нийтлэг тохиолдож байгаа талаар иргэд мэдээлж байна.

Тус суманд жил жилийн намар чоно мал барих нь ихэсдэг бөгөөд малчдад ихээхэн хор хохирол учруулдаг байна. Харин жилд агнах ан амьтны зөвшөөрлөөр Тосонцэнгэл суманд хоёр ширхэг чоно агнах боломжтой. Энэ зөвшөөрлийг ан хийдэг иргэд 220 мянган төгрөг төлж авдаг ажээ.

Хэрвээ уг зөвшөөрлийн тоог нэмвэл малчин иргэдэд учруулах хор хохирол буурах боломжтой юм.