Тосонцэнгэл суманд халдварын нэг голомтыг хумьжээ

362
Тосонцэнгэл суманд коронавирусний батлагдсан тохиолдлуудаас 21 иргэн эдгэрч эмнэлгээс гарчээ.
-“Тус суманд дөрөвдүгээр сарын 27-ны өдрийн байдлаар 127 иргэн коронавирусний халдвар авсан нь батлагдсан байна. Үүнээс биеийн байдал нь хүнд хоёр, хүндэвтэр 21, хөнгөн 98, ажиглалтад зургаан иргэн байна. Сумын хэмжээнд хөл хориог тавдугаар сарын 8-ны өдрийг дуустал сунгаад байна. Сумаас гарах, орох долоон хяналтын цэгт 20 алба хаагч, сум дотор 57 цэгт 117 алба хаагч үүрэг гүйцэтгэж байна.
Өнөөдрийн байдлаар гуравдугаар сард батлагдан эмчлүүлсэн хоёр иргэний нэг голомтыг бүрэн хумьсан. Одоогоор буяны ажлаас үүдэлтэй гурван голомт байгааг тогтоогоод байгаа. Тандалт судалгааны хоёр баг ажиллаж байна. Халдвараар өвчилсөн иргэдийн 63 хувь нь эмнэлзүйн шинж тэмдэг илэрснээр шинжилгээ өгч оношлогдсон. 20-оос доош насныханд шинж тэмдэг илүү илэрч байна. Сумын ерөнхий боловсролын хоёр сургууль, МСҮТ-ийн дотуур байруудыг ковидын эмнэлэг болгож дэлгээд байна. Өнөөдрийн байдлаар нийт 131 орыг дэлгэсэн. Аймгийн Зоонозын өвчин судлалын төв, сумын хамтарсан 9 хүний бүрэлдэхүүнтэй ариутгал, халдваргүйжүүлэлтийн баг айл өрх, аж ахуйн нэгжийн 11204 мкв талбайг, голомтын 203 мкв талбайг тус тус ариутгаад байна” гэж Тосонцэнгэл сумын Шуурхай штабаас мэдээлэв. a
скачать dle 12.0
Санал болгох
Сэтгэгдэл
АНХААРУУЛГА: Уншигчдын бичсэн сэтгэгдэлд ZAVKHAN.nutag.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 9318-5050 утсаар хүлээн авна.
Zavkhan.nutag.mn