Голын эрэг дагуу дур мэдэн хашсан хайс, хашааг буулгажээ

24
Тус аймгийн төв Улиастай суманд голын эрэг дагуу дур мэдэн хашсан хайс, хашаануудыг албадан буулгаж байна гэж Улиастай сумын ЗДТГ-аас мэдээлэв.
-“Улиастай сумын Богд, Чигэстэйн гол дагуу иргэд дур мэдэн хашаа хатгасны улмаас иргэд амарч салхилах боломж хомс. Сумын өнгө үзэмжид муугаар нөлөөлж байна. Тиймээс хайс, хашааг дур мэдэн хашсан иргэдэд албан шаардлага хүргүүлсэн боловч биeлүүлээгүй тул аймгийн Засаг даргаас өгсөн чиглэлийн дагуу албадан буулгажээ. Улиастай сумын Засаг дарга, түүний ажлын албанаас хайснуудыг албадан буулгах ажлыг наадмын өмнө хийгээд байна. Ер нь нийтийн эрх ашгийг зөрчиж буй эдгээр торон хайснуудыг буулгаж, газрыг чөлөөлснөөр иргэд гэр бүлээрээ амарч салхилах. Мөн голын ай сав дагуу мод тарих, нөхөн сэргээх, хамгаалах, иргэдийн ая тухтай амрах боломжоор хангах Отгонтэнгэр цогцолбор төсөл хэрэгжих нөхцөл бүрдэх юм. Аймгийн ИТХ-ын 61 дүгээр тогтоолоор хашиж хамгаалсан газраа зориулалтын дагуу ашиглаагүй 10 гаруй иргэний хайс, хашааг буулгаад байна” гэв. 
скачать dle 12.0
Санал болгох
Сэтгэгдэл
АНХААРУУЛГА: Уншигчдын бичсэн сэтгэгдэлд ZAVKHAN.nutag.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 9318-5050 утсаар хүлээн авна.
Zavkhan.nutag.mn